நிகழ்வுகள்
உட்பெரி டேஸ் 2022 (Woodbury Days)
வட அமெரிக்காவில் கோடை காலம் வந்து விட்டால் போதும் மக்கள் தங்களுக்கும் சிறப்பான கொண்டாட்டங்கள், விழாக்கள் என பலவிதமான விழாக்களை சிறப்பாக கொண்டாடுவார்கள். வடஅமெரிக்காவில் உள்ள மினசோட்டா மாநிலத்தில் அமைந்துள்ள உட்பரி நகரில் ஆண்டு தோறும் உட்பெரி டேஸ் என்ற பெயரில் பெரிய திருவிழா கொண்டாடப்படுகிறது. இந்த ஆண்டு ஆகஸ்ட் 18-ஆம் தேதி முதல் ஆகஸ்ட் 21ம் தேதி வரை இந்த விழா சிறப்பாக கொண்டாடப்படுகிறது. இந்தத் திருவிழாவில் பல சுவாரஸ்யமான நிகழ்வுகளுக்கு மத்தியில், பொழுதுபோக்கு விளையாட்டுக்கள், […]
மினியாபொலிஸில் ஏ.ஆர்.ரஹ்மான்
ஏ.ஆர். ரஹ்மான் கச்சேரியை நேரில் பார்க்க வேண்டும் என்பது ஒரு பெரும் ஆசையாக ஒரு காலத்தில் இருந்தது. 2015 ஆம் ஆண்டு, சிகாகோ சென்று அந்த ஆசையைப் பூர்த்திச் செய்தாகிவிட்டது. 2020 ஆம் ஆண்டுத் திட்டமிடப்பட்டிருந்த ஏ.ஆர். ரஹ்மானின் அமெரிக்கா இசை பயணத்தில் மினியாபொலிஸ் இடம்பெற்றிருந்தது மகிழ்ச்சியை அளித்தது. கச்சேரிக்கு என்று வேறு ஊருக்குப் பயணம் செல்ல வேண்டாம் என்பது இதிலுள்ள உபரி மகிழ்ச்சி செய்தி. கொரோனா காரணமாக அப்பயணம் ரத்துச் செய்யப்பட்டது. இப்போது கொரோனா நிலைமை […]
சாலைகளைத் தத்தெடுப்போம்
மினசோட்டாவின் சாலைகளில் பயணிக்கும் போது கவனித்திருப்பீர்கள்!! இந்தச் சாலையைத் தத்தெடுத்திருப்பது என்று ஒரு நபரின் பெயரோ, நிறுவனத்தின் பெயரோ அல்லது அமைப்பின் பெயரோ குறிப்பிடப்பட்டிருக்கும். சாலையைத் தத்து எடுப்பது என்றால் என்ன? பொதுவாக, சாலைகளை அமைப்பது, பழுது பார்ப்பது, சுத்தம் செய்வது போன்ற வேலைகளை அரசு எடுத்து செய்யும். இதில் சுத்தம் செய்து பராமரிக்கும் வேலையில் பொதுமக்களுக்கும், தனியார் நிறுவனங்களுக்கும் வாய்ப்பு அளிப்பதே, இந்தத் திட்டத்தின் நோக்கம். இத்திட்டத்தின்படி மினசோட்டாத் தமிழ்ச் சங்கம் மற்றும் தமிழ்ப் பள்ளி […]
மினசோட்டாவில் இந்திய சுதந்திர தின விழா 2022
இந்தியாவின் 75வது சுதந்திரத் தினத்தை மினசோட்டாவில் உள்ள ‘இந்தியன் அசோசியேஷன் ஆஃப் மினசோட்டா’ (IAM) அமைப்பினர், செயின்ட் பாலில் உள்ள மாநில தலைமைக் கட்டிட மைதானத்தில் கடந்த ஆகஸ்ட் 13ம் தேதி நடத்தினர். விழா மைதானத்தில் பல வகையான இந்திய உணவகங்கள், சிறுவர்களுக்கான பொழுதுபோக்கு இடங்கள், குழந்தைகள் விளையாட பல்வேறு விளையாட்டுப் பகுதிகள், மெஹந்தி கூடங்கள் என நிரம்பி வழிந்தன. கடந்த ஆண்டுகளை விட இந்த ஆண்டு மிகவும் சிறப்பாக இந்தியாவில் உள்ள அனைத்து மாநிலங்கள் சங்கங்களும் […]
உட்பெரி கிரிக்கெட் கோப்பை 2022
இந்தியர்களுக்கு கிரிக்கெட் என்றாலே பிடித்த விளையாட்டு என்றே கூறலாம். இந்தியாவில் அனைத்து கிராமம் முதல் நகரம் வரை, சிறுவர் முதல் பெரியவர் வரை இந்த விளையாட்டு சிறப்பாக விளையாடப்படுகிறது. இதேபோல் இப்பொழுது அமெரிக்காவிலும் இந்த விளையாட்டு மிகவும் பிரபலம் பெற்று வருகிறது. ஒவ்வொரு நகரிலும் அதற்கென்றே தனிப்பட்ட பயிற்சிப் பள்ளிகளும் மற்றும் நகரின் ஒத்துழைப்பும் கூடி பயிற்சி அளிக்கப்படுகிறது. இன்னும் ஒரு சில நகரங்களில் கிரிக்கெட் விளையாடுவதற்கு, தனிப்பட்ட மைதானம் அமைப்பதற்கும் ஏற்பாடுகள் செய்யப்பட்டு உள்ளன. வடஅமெரிக்காவில் […]
சிறுவர்களுக்கான ஓட்டம் மற்றும் சகதி விளையாட்டு விழா 2022
கோடை விடுமுறை என்றாலே சிறு குழந்தைகள் முதல் பெரியவர்கள் வரை அனைவருக்கும் சந்தோஷம் பொங்கும். எங்கெல்லாம் விழாக்கள், கொண்டாட்டங்கள் நடைபெறுகின்றன, எங்கு செல்வது என்று பலவிதமான திட்டமிடல்களுக்குப் பின் மகிழ்ச்சியாக அவற்றை செயல்படுத்துவார்கள். சிறுவர்களுக்கான இந்த புதுமையான விளையாட்டு போட்டியில் குறிப்பிட்ட தூரத்திற்கு ஓடிச் சென்று பின்பு அங்கிருக்கும் சிறு சகதிக் குட்டையில் எந்தளவுக்கு மூழ்க முடியுமோ மூழ்கி எழுந்து வருவது தான் இலக்கு. இந்த நூதனமான விளையாட்டுப் போட்டி மினசோட்டா மாநிலத்திலுள்ள காட்டேஜ் குரோவ் என்ற […]
தாய்லாந்து நாட்டின் புது வருட தினம் 2022 (SONGKRAN)
ஐக்கிய அமெரிக்காவில் பல்வேறு நாடுகளின் மக்கள் குடியேறி உள்ளனர். பல தரப்பு மக்கள் தங்களது கலாச்சாரம் சார்ந்த சிறப்புப் பண்டிகைகள் மற்றும் திருவிழாக்கள் அனைத்தையும் சிறப்பாகக் கொண்டாடுகிறார்கள். இன்றைய தினம் நாம் பார்க்க இருப்பது தாய்லாந்து மக்களின் புது வருட விழாக் கொண்டாட்டம். மினசோட்டா மாநிலத்தில் செயின்ட் பால் மாநகரில் இந்த விழா சிறப்பாக கொண்டாடப்பட்டது. தாய் மக்களின் கலாச்சாரம் சார்ந்த உணவு வகைகள், பாரம்பரிய நடனங்கள் , இசை என அனைத்தும் மைதானத்தை அலங்கரித்தது. தாய்லாந்துக்கு […]
போர் வீரர்களின் நினைவு நாள் கொண்டாட்டம் 2022
அமெரிக்காவில் மே மாதம் கடைசி திங்களன்று ஒவ்வொரு வருடமும் போர் வீரர்களின் நினைவாக அவர்களுக்கு மரியாதை செலுத்தும் தினமாக (Memorial Day) கொண்டாடப்படுகிறது. அன்றைய தினம் அரசு விடுமுறை தினமாக கொண்டாடப்படுகிறது. அந்தந்த நகரில் இதை சிறப்பாக கொண்டாடுகின்றனர். அமெரிக்காவில் உள்ள அனைத்து நகரங்களிலும் போர் வீரர்களின் நினைவு இடங்களை அலங்கரித்து அன்றைய தினம் குடும்பத்தினர் சென்று அவர்களுடைய சமாதியில் மலர் வைத்து நினைவுகூர்ந்து அவர்களுடைய வீரதீரச் செயல்களைப் பிறருக்குத் தெரிவிப்பார்கள். மினசோட்டா மாநிலத்தில் உள்ள உட்பரி […]
Donut Dashன் 5 மைல் (Mile) ஓட்டப்பந்தயம்
மினசோட்டா மாநிலத்தில் மினடோங்கா(Minnetonka) என்ற நகரில் கடந்த சனிக்கிழமை, மே 7ஆம் தேதி Eagle Ridge Academy பள்ளி சார்பாக எட்டாவது ஆண்டு ‘Donut Dash’ன் 5 மைல் ஓட்டப்பந்தயம் நடைபெற்றது. இந்தப் போட்டிகளுக்காக காலை 7 மணி முதல் அனைத்து ஏற்பாடுகளும் சிறப்பாகச் செய்யப்பட்டு இருந்தன. சிறுவர்கள் விளையாடி மகிழ பொழுதுபோக்கு அம்சங்களும் ஒழுங்கமைக்கப்பட்டிருந்தன. ஓட்டப்பந்தயத்தில் கலந்துகொள்வோர் தயாராவதற்கு ஜூம்பா நடனம் மூலம் (Zumba Warm-Ups) ஆயத்தப் பயிற்சி அளிக்கப்பட்டு தயாராகினர். போட்டி குறித்த மேலதிக […]
பனிப்பூக்கள் 2022 சிறுகதைப்போட்டி முடிவுகள்
சென்ற ஜனவரி மாதம், பனிப்பூக்களின் 2022 ஆம் ஆண்டுக்கான சிறுகதைப் போட்டியினை அறிவித்திருந்தோம். ‘மனித உறவுகள்’ என்ற கருவின் அடிப்படையில் ஏராளமான கதைகள் எமக்கு வந்து சேர்ந்தன. உலகெங்கிலுமிருந்து அருமையான படைப்பாற்றலுடன், சிரத்தையெடுத்து போட்டியில் பங்கேற்றவர்களுக்குப் பனிப்பூக்களின் நன்றிகளையும், பாராட்டுகளையும் தெரிவிப்பதுடன், தொடர்ந்து படைப்புகளை அளித்திடவும் வேண்டுகிறோம். போட்டிக்கு வந்திருந்த கதைகள் ஒவ்வொன்றும் உறவுகளின் பரிமாணத்தை வெவ்வேறு கோணங்களில், யதார்த்தத்துடன், மிக நேர்த்தியாக, அழுத்தமாகப் பதிவு செய்திருந்தன. கதைகளை வாசித்த எமது நடுவர் குழுவினர், வார்த்தைகளால் […]
