அலெக்ஸ் எக்ஸ்பீரியன்ஸ் 2024
‘அலெக்ஸ்’ என்று செல்லமாக அறியப்படும் மேடைச் சிரிப்புரையாளர் அலெக்ஸாண்டர் பாபு சென்ற மார்ச் 22ஆம் தேதி அன்று மினசோட்டா, ஹாப்கின்ஸ் (Hopkins)நகரில் உள்ள அரங்கத்தில் “அலெக்ஸ் எக்ஸ்பீரியன்ஸ் – Alexperience” என்ற மேடை நகைச்சுவை நிகழ்ச்சியை நடத்தினார்.
“யாதும் ஊரே யாவரும் கேளிர்
தீதும் நன்றும் பிறர்தர வாரா”
என்ற கணியன் பூங்குன்றனாரின் வரிகளில் ஆரம்பித்து, அதற்குண்டான உரையை வழங்கி, பல்வேறு தமிழ்த் திரைப்பாடல்களைப் பாடி, பலதரப்பட்ட விளக்கங்களையும் வழங்கி மக்களை மகிழ்வித்தார். இந்த நிகழ்விற்கு பல்வேறு நகரத்திலிருந்தும் மக்கள் வந்து கலந்து கொண்டனர். சுமார் மூன்றரை மணி நேரம் நடந்த நிகழ்வில் பங்கு பெற்ற அனைவரும் சிரித்து, மகிழ்ந்து சென்றனர்.
அமெரிக்காவின் பல்வேறு நகரங்களில் நடந்த அவரது மேடைச் சிரிப்புரை பயணம், மினசோட்டாவில் இனிதாக நிறைவுபெற்றது.
அன்றைய தினம் எடுக்கப்பட்ட சில புகைப்படங்கள் உங்களுக்காக!
Tags: Alex Experience, Alexperience
